gull & platína
1972 Magnús & Jóhann
1972 Yaketty Yak, Smacketty Smack
1973 Candy Girl
1974 Litla músin
1974 Change
1977 Hana-nú
1977 Gamlar góðar lummur
1978 Lummur um land allt
1979 Ljúfa líf
1980 Sprengisandur
1980 Í hátíðaskapi
1980 Lítið brölt
1980 Seinna meir
1981 Take Your Time
1981 TASS
1984 Ljósaskipti
1987 Kvöld við lækinn
1989 Ég vildi
1991 Íslandslög
1992 Afmælisupptökur
2000 Trú, von og kærleikur
2001 Hjartans mál
2002 Friðarstund
2002 Ástin og lífið
2004 Mansöngvar
2006 Óðflugur
2008 Drekasaga
2010 Gælur, fælur og þvælur
2012 Bréfbátur
2014 Árstíðirnar
2015 Komdu kisa mín
2016 Fuglaþrugl og naflakrafl
2017 Úrval af því besta
SMELLIR
#1
1972 MARY JANE
1973 YAKETTY YAK, SMACKETTY SMACK
1973 CANDY GIRL
1974 LITLA MÚSIN
1977 SÖKNUÐUR
1977 VERTU EKKI AÐ HORFA
1979 ÉG ER AÐ BÍÐA
1979 ÁSTARSORG
1979 Í REYKJAVÍKURBORG
1979 ÞÚ OG ÉG
1979 DANS, DANS, DANS
1979 LJÚFA LÍF
1979 VEGIR LIGGJA TIL ALLRA ÁTTA
1980 SEINNA MEIR
1980 ÉG GEF ÞÉR ALLT MITT LÍF
1980 VORIÐ KOM
1980 VIÐ FREISTINGUM GÆT ÞÍN
1980 HÁTÍÐARSKAP
1980 Í ÚTILEGU
1981 TAKE YOUR TIME
1981 SHE´S DONE IT AGAIN
1981 SAIL ON
1992 KAREN
1996 BID ME TO LIVE
TOPp TÍU
1974 I CAN BE WITH YOU
1975 MAMMA GEFÐU MÉR GRÁSLEPPU
1976 ÉG GLEYMI ÞÉR ALDREI
1977 ÉG LABBAÐI Í BÆINN
1977 DRIVING IN THE CITY
1977 POKER
1980 FYRSTA ÁSTIN
1980 SVEITIN MÍN
1980 VILLI OG LÚLLA
1980 AÐFANGADAGSKVÖLD
1985 I´M SORRY
1986 HAGAVAGNINN
1987 Í BLÍÐU OG STRÍÐU
1992 ÁSTIN OG LÍFIÐ
1993 STRÍÐ OG FRIÐUR
1996 THINK IT OVER
1996 SÓL MÍN OG SUMAR
1997 KEFLAVÍKURNÆTUR
1997 WORKING GIRL
2004 FARÐU EKKI BURT
2005 ÁSTIN MÍN EIN
2006 ÞEGAR ALLT ER HLJÓTT
2011 FEEL SO FINE
UM LÖGIN
MARY JANE 1972
Fyrsti smellurinn af fyrstu plötunni, Magnús & Jóhann. Hugmyndina að titlinum fékk ég úr sjónvarpsþættinum I Love Lucy, envinkona Lucy hét Mary Jane. Margir vildu tengja titilinn við ákveðna jurt, en við samningu textans var mér alls ókunnugt um tengls nafnsins við marijúana.
YAKETTY YAK, SMACKETTY SMACK 1973
Upphafið að Change-ævintýrinu má rekja til þess að ég samdi þetta lag. Fyrsta LP platan okkar Magga innihélt raddaða kassagítartónlist í anda bandarískra tónlistarmanna og kom út á vordögum 1972. Sama ár gerðist ég áskrifandi að breska tónlistartímaritinu Melody Maker, en á síðum þess réðu ríkjum ofurtöffararnir David Bowie og Marc Bolan/ T-Rex. Við samningu lagsins varð ég fyrir áhrifum þaðan og einnig frá Radio Luxemburg, sem ég reyndi að hlusta á samhliða kanaútvarpinu. Þegar ég hafði samið lagið hringdi ég í Magga og sagðist hafa á tilfinningunni að við fengjum samning út á það erlendis. Sú varð raunin í október 1972, er Cliff Cooper, stofnandi og eigandi Orange í London, bauð okkur samning og gaf lagið út á smáskífu undir flytjendanafninu Change.
LITLA MÚSIN 1974
Ein af fyrstu tilraunum mínum við lagasmíðar og textagerð á sjöunda áratugnum, upprunalegur titill var “Mr. Jones“. Þegar ég lét undan þrábeiðni Jóns Ólafssonar 1974 um að gefa út plötu, (sjá Umsagnir – Saga Ábótarplötunnar) dustaði ég rykið af þessu lagi og staðfærði titilinn upp á íslensku, „Hr. Jón“.
MAMMA GEFÐU MÉR GRÁSLEPPU 1975
Í lok sjöunda áratugsins starfaði ég um skeið sem aðstoðarmaður bakara á Keflavíkurflugvelli og virðist sú reynsla að einhverju leiti hafa orðið hvatinn að samningu þessa lags; Þegar ég söng það fyrst fyrir Magnús, 1970 eða ´71, byrjaði textinn eitthvað á þessa leið: “I was working in a bakery shop, baking cakes that no one would eat“… Það var ekki fyrr en 1975 að ég endurlífgaði lagið og samdi íslenska textann, fyrir barnaplötuna Allra meina bót, sem við félagarnir í Change unnum úti í Englandi. Íslenski textinn er óður til æskuslóðanna í Keflavík, en grásleppu, hangikjöts og- sælgætiskarlinn (konan) eiga sér öll raunverulegar fyrirmyndir. Bryggjan, þar sem við strákarnir veiddum kola og marhnúta, stóð kippkorn frá heimili mínu og þar átti grásleppukarlinn lítinn skúr. Hangikjötskarlinn var Ingimundur, kenndur við Ingimundarbúð, (þar var Rúnar Júlíusson eitt sinn sendill). Sælgætiskarlinn var reyndar kaupkonan Kristín, í hinni óviðjafnanlegu Kristínarbúð, sem höndlaði með allt milli himins og jarðar.
SÖKNUÐUR 1977
Samið í bakhúsi við Laugaveg. Vilhjálmur Vilhjálmsson var á þessum tíma einn eigenda Hljómplötuútgáfunnar hf. sem hafði bækistöðvar handan götunnar. Villi bankaði uppá hjá mér einn daginn með nokkra frumsamda texta. Þega ég hafði samið lög við þrjá þeirra, hitti ég Villa í Hljóðrita og söng m.a. þetta lag inn á band með kassagítar. Þegar ég hafði lokið mér af, kom Villi inn í upptökukefann og sagðist myndu láta útsetja lagið fyrir kammersveit. Útsetninguna gerði Jón „bassi“ Sigurðsson.
ÁSTARSORG 1979
Samið 1976 í gamla herberginu mínu í Keflavík. Upphaflega hljóðritað af hljómsveitinni Celsius 1977 við enskan texta, “Heaven On Earth“. Magnús Kjartansson heyrði lagið í Hljóðrita 1979 og falaðist eftir því fyrir Röggu Gísla á plötu Brunaliðsins Útkall. Hann fékk Birgir Svan Símonarson til að semja íslenska textann.
Í REYKJAVÍKURBORG 1979
Ég bjó í Los Angeles 1978 – 1979. Þar bjuggu þá einnig Sigurjón Sighvatsson, Jakob Frímann, Jónas R. Jónsson og Gunni Þórðar. Ég kunni vel við mig í LA, en hugurinn leitaði stundum heim á Laugaveginn þar sem ég hafði búið 1976 – 1978. Þær hugrenningar lögðu grunninn að tilfinningu upphafs stefsins í laginu Í Reykjavíkurborg, en það var ekki fyrr en eftir heimkomu 1979 að ég samdi lagið í Kópavogi og textann skömmu síðar í Reykjavík. Brunaliðið hafnaði laginu fyrir plötu sína Útkall, en það endaði sem kunnugt er á fyrstu plötu Þú & Ég, Ljúfa líf.
ÉG GEF ÞÉR ALLT MITT LÍF 1980
Samið 1976 í sunnudagsheimsókn hjá mömmu og pabba í Keflavík. Ég var þarna dáldið í fráhvörfum yfir að hafa yfirgefið England í desember ári fyrr og látið Magga eftir að halda úti samningi við Chappell og hljóðrita demó fyrir þá. Lagið kom til mín með enskum titli, “I Give My Everything“ og var það framlag mitt á meðal annara laga fyrir plötuna Sprengisandur. Gunni kveikti ekki á laginu og lét ég Bjögga og Röggu það eftir á plötuna Dagar og nætur. Jón „í bankanum“ Sigurðsson samdi íslenska textann.
TAKE YOUR TIME 1981
Samið í Los Angeles þar sem ég var við upptökur á sólóplötunni TASS með fulltingi Jakobs Magnússonar.Ég hafði haldið utan með níu lög í farteskinu og kveikjan að því tíunda, varð til í leigubíl á leið í stúdíóið. Þar sem grunnupptökum var þá lokið, tókum við lagið upp heima hjá vini Jakobs. Það má því heita tilviljun að “Take Your Time“ varð fyrsta íslenska tölvupopplagið, en allur hljóðgervla-leikur var í höndum Jakobs.
SAIL ON 1981
Samið 1980, frumflutt á Stjörnumessu ásamt Mezzoforte 1981, hljóðritað fyrir plötuna TASS í Los Angele sama ár. Við Bo Halldorsson fluttum lagið í tveim alþjóðlegum söngvakeppnum, á Írlandi 1983 og í Tékkóslóvakíu ári síðar og unnum til silfurverðlauna í bæði skiptin.
SHE´S DONE IT AGAIN
Samið í Reykjavík 1981 fyrir fyrirhugaða sólóplötu. Við Helga Möller/Þú & Ég höfðum verið ráðin af íslendingafélaginu í Kaliforníu til að skemmta á 17. júní í Los Angeles og San Fransisco. Ég lagði til við Steinar Berg/Steinar h/f að upplagt væri að ég hljóðritaði í framhaldi sólóplötuna mína í LA með Kobba Magg. Jakob fékk nokkra af helstu hljóðfæraleikurum og upptökumönnum svæðisins í hljóðverið og til varð platan TASS sem hlaut þrenn verðlaun á Stjörnumessu 1982.
KAREN 1992
Samið gagngert til að senda inn í Evróvisjón. Lagasmíðin reyndist mér nokkuð torveld, viðlagið ásamt titlinum kom á undan, en fyrstu versunum henti ég og samdi ný. Ég fékk Björn „lífskúnstner“ Björnsson til að semja texta út frá titlinum, hljóðritaði demó og sendi inn í forkeppni 1990 en lagið komst ekki áfram. Ári síðar stóð Pétur W. Kristjánsson fyrir endanlegri gerð lagsins í útsetningu Jons Kjell Seljeseth og flutningi Bjarna Arasonar og munaði einu stigi að „Karen“ yrði framlag Íslands það árið.
ÁSTIN OG LÍFIÐ 1992
Sérstaklega samið fyrir diskinn Afmælisupptökur, sem við Magnús gáfum út 1992 í tilefni 20 ára starfsafmælis okkar. Lagið samdi ég við ljóð úr Kvæðakveri Halldórs Laxness. Þar sem okkur Magga þótti lag og ljóð ekki fara nægilega vel saman samdi ég nýjan texta.
BID ME TO LIVE 1996
Versin samdi ég á píanó á Laugaveginum 1978 og studdist við ljóð úr The World´s Best Loved Poems, en titillinn er þaðan kominn. Það var ekki fyrr en sautján árum síðar, þegar ég var að semja lög fyrir sólóplötuna KEF að ég fann gömlu kasettuna og samdi viðlagið. Ég fékk skoska lagasmiðinn Reg Meuross, til að sníða texta að titlinum.
KEFLAVÍKURNÆTUR 1997
Æskufélagi minn úr Keflavík hafði samband 1996 og falaðist eftir handriti að skemmtidagskrá fyrir veitingastaðinn Strikið við Hafnargötu. Ennfremur fór hann þess á leit að ég semdi einnkennislag sem bæri titlinn Keflavíkurnætur. Eftir að lagið var samið fól ég Rúnari Júlíussyni textagerðina. Ári síðar hljóðrituðum við lagið sem dúett í Upptökuheimili Geimsteins og það kom fyrst út á sólóplötu Rúnars, Rokk & rólegheit.